Kandidatja e LDK-së për deputete, Linda Bekteshi, ka takuar në Fushë Kosovë zonjat e Lidhjes së invalidëve, viktimave civile dhe të zhdukurve të Kosovës, raporton Gazeta Blic.

“Ju jeni frymëzim i forcës, mençurisë dhe dashurisë që ndriçon çdo brez. Çdo rrudhë në fytyrën tuaj tregon histori të një jete të pasur me sakrifica dhe përvoja që na mësojnë vlera të paçmueshme. Ju jeni shtyllat e familjes dhe shoqërisë, burimi i mençurisë që udhëzon dhe i dashurisë që ngroh zemrat tona”, ka shkruar ajo.

Postimi i saj i plotë:

Sot në Fushë Kosovë, bashkë me kandidaten për deputete, Anita Morina Saraqi, bashkëbiseduam me zonjat e Lidhjes së invalidëve, viktimave civile dhe të zhdukurve të Kosovës!

Ju jeni frymëzim i forcës, mençurisë dhe dashurisë që ndriçon çdo brez. Çdo rrudhë në fytyrën tuaj tregon histori të një jete të pasur me sakrifica dhe përvoja që na mësojnë vlera të paçmueshme. Ju jeni shtyllat e familjes dhe shoqërisë, burimi i mençurisë që udhëzon dhe i dashurisë që ngroh zemrat tona.

Falenderimi dhe mirënjohja për gjithçka që keni dhënë janë të pafund. Vazhdoni të jeni drita e jetës sonë dhe një shembull i vyer për të gjithë ne.