Kandidati për deputet nga PDK, Artan Behrami, e ka quajtur anarki mos shkuarjen e Kurtit në Prokurorinë Speciale për të dhënë dëshmi, raporton Gazeta Blic.

Përmes një postimi në Facebook, ai ka thënë se nga sot çdo qytetar i Republikës së Kosovës, çdo i pandehur, çdo dëshmitar, çdo kriminel, duke e ndjekur shembullin e Kryeministrit të Kosovës, lirisht mund t’i sfidojë institucionet e drejtësisë!

“Kurti i poshtëron krejt institucionet demokratike për ta krijuar idenë se ai është zëvendësim i krejt këtyre! Kjo është përmbysje e shtetit ligjor”, ka shkruar ai.

Postimi i tij i plotë:

Kjo është anarki! Albin Kurti krijoi sot një precedent shkatërrues për institucionet demokratike të Kosovës!

Nga sot, çdo qytetar i Republikës së Kosovës, çdo i pandehur, çdo dëshmitar, çdo kriminel, duke e ndjekur shembullin e Kryeministrit të Kosovës, lirisht mund t’i sfidojë institucionet e drejtësisë!

Kurti i poshtëron krejt institucionet demokratike për ta krijuar idenë se ai është zëvendësim i krejt këtyre!

Kjo është përmbysje e shtetit ligjor!