Kandidati i PDK-së për kryetar të Mitrovicës, Bedri Hamza, ka takuar legjendat e sportit të Mitrovicës.

Përmes një postimi emocional, Hamza ka thënë se për brezin e tij, sporti ishte frymë shoqërore dhe sportistët ishin ata që ndërtonin krenarinë kombëtare dhe jepnin mesazhe të qarta politike për kundërshtarët e kohës.

“Ishte betejë dinjitetesh me ata që nuk e respektonin as ekzistencën tonë”, ka thënë Hamza.

Pjesë e takimit me Hamëzn ishin Ajet Shosholli, Xhevdet Peci, Afrim Prekazi, Naim Hajrizi, Kemajl Muja, Taip Kabashi, Shkelzen Babolli, Afrim Beqiri, Afrim Nebihu, Isa Gërguri, Eroll Ibrahimi, Remzi Begu, Shefqet Begu, Mehmet Haxhani, Eroll Pepiqi, Emir Prekazi, Adnan Musa, Bekim Torcida, etj.

Ky është statusi i plotë i Bedri Hamzës:

Sportin, brezi im, e kemi përjetuar më shumë se vetëm aktivitet fizik e mendor. Nuk e përjetonim as si argëtim të kohës së lirë. Për ne ishte frymë shoqërore dhe sportistët ishin ata që ndërtonin krenarinë kombëtare dhe jepnin mesazhe të qarta politike për kundërshtarët e kohës. Ishte betejë dinjitetesh me ata që nuk e respektonin as ekzistencën tonë.

Qyteti i kampionëve, Mitrovica, gjithmonë ka dhënë sportistë shumë të mëdhenj në nivel vendi. Ajet Shosholli, si një ndër trajnerët më të suksesshëm që njeh Republika e Kosovës, ishte frymëzimi i të rinjve në fushën e futbollit. Ndërsa, Xhevdet Peci, ishte tmerri i ringut për kundërshtarët e tij.

Fatkeqësisht, sot, sporti dhe sportistët që dhanë aq shumë për Mitrovicën janë lënë tërësisht nën pluhurin e harresës. Ju garantoj që më kështu nuk do të jetë, sepse bashkë do ia kthejmë dinjitetin dhe krenarinë qytetit tonë.

FALEMINDERIT, sportistë të dashur.
FALEMINDERIT për atë që bëtë për Mitrovicën, për Kosovën.

Bashkë për Mitrovicën!