Kandidati i PDK-së për kryetar të Mitrovicës, Bedri Hamza, ka premtuar digjitalizim të shërbimeve komunale dhe eliminim të burokracisë.

Hamza ka thënë se shoqëria civile në Mitrovicë do të jetë partnere e pazëvendësueshme për ta rritur transparencën dhe llogaridhënien

“Pritjeve të gjata në Komunën e Mitrovicës po iu vjen fundi. Ne do t’i digjitalizojmë shërbimet dhe rrisim efikasitetin me E-kioska, E-inspeksion, E-leje dhe me një mori aplikacionesh që eliminojnë burokracinë dhe lehtësojnë të gjitha shërbimet komunale.

Shoqëria civile në Mitrovicë do të jetë partnere e pazëvendësueshme për ta rritur transparencën dhe llogaridhënien.

Bashkë për Mitrovicën!”, ka shkruar Hamza.