Skuadra e Llapit nuk e ka ndërmend të ndalet në këtë merkato.

Tahir Batatina bashkë me drejtuesit e klubit po punojnë që të bëjnë një ekip sa më konkurrues në edicionin e ri të Superligës së Kosovës në futboll.

Burime të ‘GazetaBlic Sport’ mësojnë se Llapi është në bisedime me futbollistin e njohur shqiptar, Bedri Greca.

Greca i cili luan si sulmues i djathtë e njeh Superligën e Kosovës, pasi në të kaluarën ishte pjesë e Feronikelit dhe Gjilanit, teksa ka eksperiencë të madhe në Shqipëri në klubet si Tirana, Flamurtari, Kukësi e Laçi.

/GazetaBlic Sport