Llapi nuk e ka nisur aspak mirë sezonin e ri në Superligën e futbollit.

Llapjanët gjenden në fundin e tabelës, ndërsa i kanë regjistruar 2 barazime e 2 humbje në 4 xhirot e para, pa e shijuar ende fitoren, shkruan “Gazeta Express”.

Edhe në sezonin e kaluar ekipi nga “Zahir Pajaziti” mezi shpëtoi pa rënë nga Superliga duke e siguruar qëndrimin aty vetëm përmes barazhit.

Sidoqoftë, trajneri Tahir Batatina siguron se më nuk do të përsëritet sezoni paraprak duke garantuar se Llapi do të rikthehet.

Po ashtu, ai përmes një postimi në rrjetet sociale i goditi edhe kritikët e tij.