FC Barcelona ka reaguar pas pensionimit të ish-mesfushorit, Ivan Rakitic.

Kroati u pensionua nga futbolli profesionist në moshën 37 vjeç.

Në një mesazh të postuar në llogarinë zyrtare X të klubit, Barcelona shkroi: “Futbollit do t’i mungosh, Ivan. Të urojmë gjithë të mirat në këtë kapitull të ri të jetës tënde.”

Lojtari ndërkombëtar kroat, i cili luajti për Barcelonën nga viti 2014 deri në vitin 2020, la një trashëgimi të qëndrueshme në Camp Nou. Gjatë gjashtë sezoneve të tij me klubin, Rakitic bëri 310 paraqitje, shënoi 35 gola dhe ndihmoi ekipin të fitonte 16 trofe të mëdhenj, duke përfshirë katër tituj të La Ligës, katër trofe të Kupës së Mbretit, një Ligë të Kampionëve dhe një Kupë Bote për Klube.

Mesazhi i Barcelonës pasqyron admirimin e klubit për kontributet e Rakitic, si në fushë ashtu edhe jashtë saj.

/GazetaBlic Sport