Barcelona kujtoi debutimin e Lionel Messit më 16 tetor 2004 dhe publikoi një fotografi me një frazë goditëse.
Barcelona nuk e ka harruar Lionel Messin dhe debutimin e tij për ekipin e parë. Ylli argjentinas debutoi më 16 tetor 2004 , kundër Espanyol, ku bëri paraqitjen e tij të parë për katalanasit, dhe pjesa tjetër është histori.
Kapiteni i ekipit kombëtar argjentinas dhe ish-kapiteni i Barcelonës, vetëm 17 vjeç, 3 muaj dhe 22 ditë, u bë lojtari më i ri, në atë kohë, që luajti në një garë zyrtare në historinë e Barcelonës.
Barcelona, në një postim, shkroi: “Nuk e kishim idenë se çfarë po vjen”, duke demonstruar kështu admirimin e saj për arritjet e panumërta të Messit me fanellën e klubit, në 17 vitet që luajti për Barcelonën.
/GazetaBlic Sport
We had no idea what was coming. pic.twitter.com/MdFKU7xyru
— FC Barcelona (@FCBarcelona) October 16, 2025
