Barcelona po kryeson garën për Jonathan Tah, i cili kërkohet edhe nga Interi dhe Bayern, e së fundmi edhe nga Juventusi.

Dy gjigantët italianë mund të ndahen me mbrojtësin gjerman Tah pas një takimi mes drejtorit të Barcelonës Deco dhe agjentit të lojtarit Pini Zahavi, transmeton GazetaBlic Sport.

Gazeta spanjolle Gigantes raportoi për herë të parë takimin mes dy palëve të enjten. ‘Sky Sports Germany’ më vonë konfirmoi se Barcelona ka një “shans të mirë” për të nënshkruar me mbrojtësin e Bayer Leverkusen. Ai do të mbërrinte në Katalonjë si një transferim i lirë.

Sipas mediave gjermane, edhe Bayern Munich është i interesuar për Tah dhe shpreson ta bindë lojtarin të kalojë në Allianz Arena.

28-vjeçari nuk ka marrë ende një vendim përfundimtar për klubin e tij të ardhshëm, por sigurisht që nuk do të vazhdojë kontratën me Bayer Leverkusen.

/GazetaBlic Sport/