Barcelona mund të kërkojë të ri-nënshkruajë Pierre-Emerick Aubameyang në merkaton e verës nëse kushtet e kërkuara financiare të Chelseat janë të përballueshme.

Aubameyang u nënshkrua nga Chelsea në ditën e fundit të merkatos së dimrit të vitit 2022, por po kalon një periudhë të pasuksesshme me blutë. Sulmuesi ishte i emocionuar për mundësinë e ribashkimit me Thomas Tuchel, i cili e kishte trajnuar atë në Dortmund, por gjashtë ditë më vonë trajneri u shkarkua nga pronari i klubit Todd Boehly, përcjell GazetaBlic Sport.

Që nga ai moment, sulmuesi 33-vjeçar ka pasur shumë probleme dhe nuk është përdorur rregullisht nga trajneri Graham Potter.

Sipas Mundo Deportivo, Barça do të jetë e interesuar për rikthimin e tij nëse Chelsea pranon të shesë atë për një çmim të përballueshëm dhe nëse kërkesat financiare nuk janë të larta.

Kjo hipotezë u forcua pasi Aubameyang u pa të dielën duke festuar me ish-shokët e tij, pasi Barça mposhti Real Madridin (2-1).

/GazetaBlic Sport/