Barcelona ka fituar në Camp Nou ndaj Getafes me rezultatin 5-2.
Llogarinë e golave e hapi sulmuesi i Barcelonës, Lionel Messi në minutën e 8’të të takimit, shkruan GazetaBlic Sport.
Lenglet shënoi autogol në minutën e 12’të të takimit, për golin e parë të Getafes në këtë duel.
Sofian Chakla i dhuroi Barcelonës golin e dytë duke shënuar një autogol ‘qesharak’, pasi nuk u kuptua me portierin e tij në minutën e 28’të të takimit.
Messi shënoi edhe golin e dytë personal dhe të tretin për Barcelonën në minutën e 33’të të takimit.
Në minutën e 69’të, Enes Unal shënoi nga penalltia për golin e dytë të Getafes dhe të fundit në këtë ndeshje për Getafe.
Golin e katërt të takimit për Barcelonën e shënoi, lojtari i Barçës, Araujo pas asistimit të argjentinasit, Leo Messi në minutën e 87’të.
Edhe Griezman iu shtua listës së realizatorëve pasi shënoi nga penalltia në minutën e 93’të të takimit.
Me këtë fitore Barça arrin në kuotën e 68 pikëve, 5 më pak se Atletico Madrid që ndodhet në pozitën e parë, por Barcelona ka një ndeshje më pak sesa skuadra e Simeones.
/GazetaBlic Sport/
