Ka përfunduar ndeshja e parë e kualifikimeve për Conference League mes Shkupit dhe Ballkanit.

Dy skuadrat shqiptare u përballën në kuadër të Play Off-it të Europa Conference League, ku njëra prej tyre do të sigurojnë biletën për fazën e grupeve të garës më të re evropiane për klube, shkruan GazetaBlic Sport.

Ballkani doli triumfues në stadiumin “Todor Proeski“.

Vendasit kaluan të parët në avantazh me golin e Adetunjit i cili u gjet mirë në zonën e Ballkanit pas harkimit të Alvarez në minutën e 19’të të harkimit.

Albion Rrahmani u shfaqë në skenë vetëm 4 minuta më pas për të barazuar shifrat në pjesën e parë.

Meriton Korenica bëri diferencën në pjesën e dytë.

Korenica shënoi një “perlë” të vërtetë kur në minutë e 67’të me një goditje të fuqishme mposht portierin kundërshtar për epilogun final të takimit.

Ndeshja kthyese luhet javën tjetër në stadiumin “Fadil Vokrri” në Prishtinë.

/GazetaBlic Sport/