Situata në Barcelonë mund të cilësohet më së miri si e trazuar. Problemi i fundit me të cilin është përballur skuadra ka çuar në pasoja serioze me Xavi që madje ka njoftuar vendimin e tij për t’u larguar nga klubi në qershor.

Sikur të mos mjaftonin paraqitjet e dobëta, Alejandro Balde është përjashtuar deri në fund të sezonit për shkak të lëndimit, duke e lënë kështu trajnerin pa mbrojtësin e tij të parë të majtë.

Sipas raportimeve nga Mundo Deportivo, Barcelona nuk do të nënshkruajë me një mbrojtës të ri në afatin kalimtar të dimrit për të zëvendësuar spanjollin e dëmtuar.

Arsyeja ekonomike është me të vërtetë një faktor, por bordi gjithashtu beson se rekrutimi është i panevojshëm.

Paraqitjet e Hector Fort në krahun e majtë e kanë bindur klubin.

Për më tepër, Marcos Alonso do të kthehet në veprim pas rreth një muaji për të përforcuar pozicionin.

/GazetaBlic Sport