Bad News Eagles pak më parë lajmëruan se kanë ndarë rrugët me Guild Esports, organizatë e lojërave elektronike në pronësi të legjendës së futbollit, David Beckham.

Gamerat shqiptarë kanë mbetur pa organizatë. Sikur të mos mjaftonte kjo, një nga protagonistët kryesor të kësaj skuadre, i njohur me nofkën “rigoN” në Counter Strike 2, ka njoftuar se do largohet nga ekipi Bad News Eagles, shkruan GazetaBlic Sport.

Rigon përmes një postimi në rrjetin social “X” ka konfirmuar largimin e tij.

Ja postimi i plotë:

Nuk është e lehtë për mua të shkruaj këto fjalë, por pas shumë mendimeve vendosa të filloj të kërkoj një ekip të ri.

Të them lamtumirë, është më e vështirë për mua sesa mund ta them me fjalë.
Koha me ju ishte një nga më të mirat e jetës sime. Së bashku festuam suksese të jashtëzakonshme, përjetuam momente të paharrueshme dhe vazhdimisht e motivuam njëri-tjetrin për të bërë më të mirën tonë. Çdo sfidë që kemi kapërcyer dhe çdo lojë që kemi luajtur së bashku vetëm sa e ka bërë lidhjen tonë më të fortë.

Ju jeni më shumë sesa thjesht shokë skuadre për mua – ju jeni miq që jeni bërë familja ime. Edhe nëse zgjedh një rrugë tjetër tani, do të mbaj gjithmonë në zemrën time kujtimet dhe përvojat që kemi ndarë së bashku.

Do të doja t’ju falënderoja nga zemra për kohën e mrekullueshme dhe ju uroj të gjithëve suksese dhe gëzime të vazhdueshme në të ardhmen. Urojmë që rrugët tona të kryqëzohen sërish një ditë.

Unë jam duke u përpjekur të përmirësohem dita-ditës dhe po përgatitem për sfida të reja.

Njëjtë ka vepruar edhe lojtari tjetër “juanflatrooo” i cili poashtu ka vendosur të kërkoj për skuadër të re.

“Çdo gjë ka një fund. Po kërkoj skuadër të re. Shumë i motivuar për kapitullin e radhës”, ka shkruar ai.