Kryetari i degës së LDK-së në Ferizaj, Visar Azemi, ka bërë të ditur se ditën e sotme në Komogllavë takuan struktura e veprimtarë të disa nëndegëve të kësaj partie në këtë rajon.

Azemi në shkrimin e tij në Facebook tha se e filluan aty për të vazhduar rrugëtimin në secilën lagje e nëndegë.

Ai tutje thekson se ‘kjo është një mundësi e jashtëzakonshme për të dëgjuar zërin e qytetarëve dhe për t’i angazhuar ata në programin tonë politik “Rruga e Re”’

“Këto aktivitete janë vetëm fillimi i një rrugëtimi të gjatë që na pret. Bashkë, do ta ndërtojmë një të ardhme më të mirë për të gjithë ne.Le të bashkohemi në këtë mision të rëndësishëm” shkruan Azemi raporton “Gazeta Blic”

Shkrimi i plotë:

Sonte në Komogllavë, takuam struktura e veprimtarë të disa nëndegëve të LDK-së në këtë rajon.

E filluam mbarë këtu për të vazhduar rrugëtimin tonë në secilën lagje e nëndegë.

Diskutuam për hapat që do të ndjekim për të forcuar praninë tonë në terren.

Kjo është një mundësi e jashtëzakonshme për të dëgjuar zërin e qytetarëve dhe për t’i angazhuar ata në programin tonë politik “Rruga e Re”.

Do të kemi edhe takime të tjera, duke u lidhur ngushtë me njerëzit dhe duke ndarë me ta vizionin tonë për të ardhmen.

Këto aktivitete janë vetëm fillimi i një rrugëtimi të gjatë që na pret.

Bashkë, do ta ndërtojmë një të ardhme më të mirë për të gjithë ne.

Le të bashkohemi në këtë mision të rëndësishëm!