Manchester United do të synojë të bëjë tri fitore radhazi në Ligën e Kampionëve sonte në ndeshjen ndaj Atalantas.
Djajtë e Kuq janë aktualisht në krye të Grupit F, duke mbledhur gjashtë pikë nga tre ndeshjet e tyre të para, ndërsa Atalanta është e treta në tabelë, vetëm dy pikë prapa kundërshtarëve të tyre në Bergamo, përcjell GazetaBlic Sport.
Atalanta kaloi në epërsi me dy gola në Old Trafford në ndeshjen e parë më 20 tetor, me Mario Pasalic dhe Merih Demiral që shënuan golat, por Man United u kundërpërgjigj në mënyrë spektakolare, duke shënuar përmes Marcus Rashford, Harry Maguire dhe Cristiano Ronaldo tre pikë.
Rezultati e ka lënë ekipin italian në pozitën e tretë në Grupin F, në nivel pikësh me Villarrealin e vendit të dytë dhe vetëm dy pas liderit Man United, që është një tregues i rëndësisë së ndeshjes së sotme.
Formacionet e mundshme:
Atalanta: Musso, Lovato, Demiral, De Roon; Zappacosta, Freuler, Koopmeiners, Maehle; Ilicic, Zapata, Pasalic.
Manchester United: De Gea, Maguire, Varane, Shaw; Wan-Bissaka, Fernandes, McTominay, Fred, Telles; Ronaldo, Rashford.
/GazetaBlic Sport/
