Kombëtarja shqiptare arriti të marrë një fitore të rëndësishme mbrëmjen e djeshme përballë Letonisë.

Kuqezinjtë arritën të fitonin me rezultatin minimal 1-0 falë golit të Kristjan Asllanit nga pika e penalltisë.

Në sfidën e zhvilluar dje, Jasir Asani nuk arriti dot të merrte asnjë minutë nga trajneri Sylvinho. Megjithatë, sulmuesi 30-vjeçar nuk harron të shprehë patriotizmin e tij nëpërmjet rrjeteve sociale.

“Moj Shqipni nan’loke ty t’qofsha fal”, shkruan Jasir Asani në një fotografi ku në sfond është flamuri shqiptar. Ish-sulmuesi i Partizanit gjithashtu konfirmoi dhe rikthimin me partneren e tij Giotan.