Trajneri i Arsenalit, Mikel Arteta, foli pas humbjes 0-1 ndaj Paris Saint-Germain në stadiumin Emirates në ndeshjen e parë gjysmëfinale të Ligës së Kampionëve midis dy ekipeve.

Arteta tha se “Arsenali luajti më mirë” dhe skuadra e tij ka ende një shans të mirë për një vend në finale.

“Jemi të zhgënjyer me rezultatin. Morëm iniciativën pas golit, por në fund epërsia shkoi te PSG. Besoj se Arsenali luajti më mirë. Jemi të zhgënjyer”, tha Mikel Arteta.

“PSG e lëviz topin në fushë shumë mirë. Ata luajnë në krah me shumë lojtarë në linja të ndryshme”, shtoi ai.

“Goli i Mikel Merinos ishte një moment shumë i mirë. Fatkeqësisht, u anulua për pozicion jashtë loje. Portieri i PSG-së (Gianluigi Donnarumma) bëri disa pritje të mira, por kjo është pjesë e lojës. Thomas Partey do të na japë fleksibilitet në ndeshjen e dytë. Kjo është vetëm pjesa e parë. Kemi një shans të shkëlqyer për t’u kualifikuar në finalen e Ligës së Kampionëve”, komentoi gjithashtu trajneri i Arsenalit.

/GazetaBlic Sport