Gazetari i njohur shqiptar, Artan Hoxha ka reaguar në lidhje me ngjarjet e fundit në stadiume, ku po përdhosen simbolet shqiptare, e po këndohet “Kosova është Serbi”.
Në ndeshjen Çeki-Shqipëri, tifozët vendas kishin thirrje anti Kosovë – e poashtu shfaqën tre flamunjë shqiptarë mbrapsht, duke i keqtrajtuar, shkruan GazetaBlic Sport.
“Është bërë ritual që po përsëritet në çdo ndeshje që po luan Kosova e Shqipëria. Tifozët çek e serbë kanë keqtrajtuar simbolet kombëtare shqiptar, flamurin kuqezi”, tha fillimisht Artan Hoxha në Sports Show.
“Ne duhet ta kemi të qartë, nuk duhet të ndajmë njëri-tjetrin, ishte flamuri i shqiptarëve që u keqtrajtua. Nuk e kanë veç me të Kosovës, por me të gjithë shqiptarët”, tha ndër të tjerash ai.
Hoxha poashtu tha se FSHF nuk duhet të fillonte pjesën e dytë pa i larguar simbolet anti shqiptare.
/GazetaBlic Sport