Elmando Gjini do të jetë futbollisti më i ri i Vllaznisë. 22-vjeçari rikthehet kështu në Superiore vetëm pas 1 sezoni.

Ballkani dhe Vllaznia kanë arritur marrëveshjen mes tyre. Gjini do të mbajë veshur fanellën e shkodranëve, teksa në Shkodër do të luajë i huazuar.

Lajmin e ka bërë të ditur klubi i Ballkanit, ndërsa i uron suksese 22-vjeçarit në aventurën e re. Kujtojmë se Gjini në të kaluarën në Superiore ka mbajtur veshur fanellën e Teutës.

“Të dashur tifozë,

Ju njoftojmë se kemi arritur marrëveshje me klubin KF Vllaznia për huazimin e futbollistit tonë Elmando Gjini.

Lojtari do të luajë në formë huazimi për një periudhë njëvjeçare tek klubi shkodran, gjatë sezonit 2025/26.

I urojmë Elmando Gjinit shumë suksese dhe zhvillim të mëtejshëm në karrierën e tij gjatë kësaj aventure!”, ka shkruar klubi.