Policia e Kosovës ka arrestuar një person në Prizren, nën dyshimin për posedim të substancave narkotike.

Sipas njoftimit të policisë, ngjarja ka ndodhur të premtën rreth orës 17:30, në rrugën “Petrit Bytyqi”, ku gjatë kontrollit, policia ka gjetur dhe konfiskuar rreth 38.99 gramë marihuanë, të paketuar në qese plastike dhe foli alumini, si dhe 9.92 gramë kokainë, të paketuar në qese plastike.

Po ashtu, janë konfiskuar edhe një grinder (pajisje për bluarjen e substancave narkotike), një peshore digjitale, qese të ndryshme për paketim dhe një telefon celular.

I dyshuari është intervistuar dhe, me vendim të prokurorit të shtetit, është dërguar në mbajtje. Rasti është duke u hetuar nga autoritetet kompetente.

“Rr. Petrit Bytyqi, Prizren  12.12.2025 – 17:30. Është arrestuar i dyshuari mashkull kosovar, për shkak se gjatë kontrollit i janë gjetur dhe konfiskuar: 38.99 gramë substanca që dyshohet të jenë narkotike të llojit marihuanë të paketuara në qese plastike dhe foli alumini, 9.92 gramë substanca që dyshohet të jenë narkotike të llojit kokainë të paketuara në qese plastike, një grinder- pajisje për bluarjen e substancave narkotike, një peshore digjitale, qese të ndryshme plastike për paketimin e substancave narkotike dhe një telefon celular. I dyshuari pas intervistimit me vendim të prokurorit është dërguar në mbajtje, rasti është duke u hetuar”, thuhet në raportin 24-orësh të policisë.