Një person është arrestuar sot nga policia në Prishtinë, pasi dyshohet për mashtrim me dokumente false.
Rasti ishte raportuar që në mars, kur u zbulua se i dyshuari kishte siguruar kontrata pune të falsifikuara për tre persona.
Së bashku ata kishin arritur të mashtrojnë një bankë duke marrë kredi.
Policia po vazhdon hetimet, ndërsa i dyshuari është dërguar në mbajtje me vendim të prokurorit.
