Katër persona janë arrestuar në fshatin Jezercë të Ferizajit, pasi që të njejtit kanë kryer vjedhje në dy restorante, shkruan GazetaBlic.

Në restorantin e parë janë vjedhur:

Tre televizorë dhe tre të tjerë janë dëmtuar (vlera rreth 6,000 euro).
Arka fiskale, një monitor dhe kabllo elektrike (vlera rreth 8,000 euro).
Është dëmtuar gjithashtu edhe dera e hyrjes.

Në restorantin e dytë janë vjedhur:

Një gjenerator elektrik (vlera rreth 1,400 euro).
Disa shishe alkoolike të ndryshme, vlera nuk dihet.

Pas një pune intensive hetimore dhe grumbullimit të informacioneve në terren, më 15.01.2025, policia ka arritur të identifikojë dhe të arrestojë katër persona të dyshuar.

Pas intervistimit nga hetuesit policorë dhe me vendim të Prokurorit të Shtetit, të dyshuarit janë ndaluar për 48 orë.

Personat e arrestuar janë:

M.G. (M/K), 21 vjeç
L.B. (M/K), 22 vjeç – të dyshuar për vjedhje të rëndë.

Xh.G. (M/K), 33 vjeç dhe
G.H. (M/K), 32 vjeç – të dyshuar për veprën penale “Blerja, pranimi ose fshehja e sendeve të përfituara nga kryerja e veprës penale.”

Kurse sendet e vejdhura janë sekuestruar përkohësisht nga policia.