Trajneri i Liverpoolit, Arne Slott, në konferencën e tij për shtyp para ndeshjes së Premierligës kundër Nottingham Forest tha se skuadra e Nuno Espirito Santo është një konkurrent i drejtpërdrejtë i tyre.

Liverpool dhe Nottingham Forest aktualisht janë në dy pozitat e para në kampionatin anglez.

“Unë gjithmonë kam thënë se mënyra më e mirë për të gjykuar tabelën është në gjysmë të sezonit. Ai moment ka ardhur tani, kështu që nëse Forest është atje me ne, me Arsenalin, Chelsean dhe Manchester Cityn, atëherë ata janë padyshim një skuadër që po konkurron me ne dhe me skuadrat e tjera, ata meritojnë të trajtohen në atë mënyrë nëse shikoni mënyrën se si ata luajnë dhe nëse shikoni rezultatet e tyre”, tha fillimisht ai.

“Unë mendoj se ata kanë treguar tashmë në retrospektivë se sa një ekip i mirë janë. Para kësaj ndeshje mendoj se ata patën dy barazime dhe një fitore,” përfundoi holandezi.

/GazetaBlic Sport