Cristiano Ronaldo u denua nga Komisioni Disiplinor i Arabisë Saudite pas gjestit të bërë në ndeshjen mes Al Shabab dhe Al Nassr, që përfundoi me fitoren e ekipit të tij, me rezultat 3-2, në xhiron e 21-të të Kampionati saudit.

Në fund, pasi ka uruar bashkëlojtarët për fitoren, CR 7 ka vendosur dorën te veshi, pastaj disa herë në zonën gjenitale, si kundërpërgjigje ndaj thirrjeve të tifozëve vendas. Ata e kishin acaruar disa herë gjatë lojës, duke bërtitur emrin e rivalit të madh Lionel Messi.

Ylli portugez u denua për një ndeshje nga Komisioni Disiplinor i Arabisë Saudite për shkak të gjestit të konsideruar vulgar dhe do të humbasë ndeshjen me Al Hazemin, në xhiron e 22-të të kampionatit saudit, thuhet në botimin Arriyadiyah.

Edhe Ronaldo u gjobit me 30 mijë euro. Para Komisionit Disiplinor, CR 7 tha: “Unë i respektoj të gjitha klubet, dhe gëzimi pas ndeshjes shpreh forcën dhe fitoren dhe nuk është diçka e turpshme. Jemi mësuar në Evropë.”

Komisioni Disiplinor shtoi se vendimi i marrë nuk mund të ankimohet dhe do të hyjë në fuqi menjëherë. Al Nassr luan sot, nga ora 19:00, në shtëpi kundër Al Hazemit.

/GazetaBlic Sport