Sipas gazetës angleze The Sun, Manchester United nuk do të vazhdojë negociatat me trajnerin italian Antonio Conte për shkak të kërkesave të larta për pagë të trajnerit italian.

Trajneri, i cili fitoi 14 milionë euro në sezon te klubi i tij i fundit, Interi, do të ketë kërkuar 21 milionë euro, shifra që lanë të pakënaqur drejtuesit e djajve të kuq, përcjell GazetaBlic Sport.

Duke pasur parasysh mungesën e mirëkuptimit me Antonio Conten, gazeta britanike tha se Ole Gunnar Solskjaer mund ta çojë deri në fund këtë sezon, megjithëse, siç dihet, pozicioni i norvegjezit është nën presion jashtëzakonisht të lartë në krye të skuadrës së Manchester United. .

Në mesin e emrave tjerë të përmendur janë edhe ai i Zinedine Zidane dhe Frank Lampard.

/GazetaBlic Sport/