“Anëtarësimi në KiE po kushtëzohet me Asociacionin”
Kështu deklaroi pak ditë më parë në mbledhjen e Qeverisë, kryeministri i vendit, Albin Kurti.
Në lidhje me këtë deklaratë ka folur për “Gazeta Blic” deputetja e AAK-së, Time Kadrijaj.
Ajo tha se këto janë lojërat e Kurtit.
“Tash krejt këto janë lojrat e Kurtit, sepse jemi në vit zgjedhorë”, deklaroi ajo.
Tutje ajo tha se Kurti ka pranuar edhe marrëveshjen edhe aneksin e Ohrit.
“E ka pranuar marrëveshjen edhe aneksin e Ohrit, po ashtu të tre lideret kanë dërguar letrën e nënshkruar ku zotohën për zbatimin e marrëveshjes në plotëni”, përfundoi deputetja Time Kadriaj për “Gazeta Blic”
Kryeministri i Kosovës, Albin Kurti në mbledhjen e Qeverisë së Kosovës ka folur për çështjen e anëtarësimit të Kosovës në Këshill të Evropës.
Ai ka thënë se Qeveria nuk e pranon kushtëzimin e anëtarësimit në Këshill të Evropës me Asociacionin.
“Qeveria nuk e pranon kushtëzimin e anëtarësimit në Këshill të Evropës me Asociacionin. Për normalizimin e marrëdhënieve me Serbinë bisedojmë në Bruksel e jo në Strasburg”, tha Kurti.
/Gazeta Blic/