Duke folur në një konferencë për shtyp mbrëmë përpara ndeshjes miqësore parasezonale të Real Madrid kundër AC Milan, Carlo Ancelotti ka potencuar se nuk ka transfere në klubin e tij më këtë verë.

Real Madrid ka sjellë Kylian Mbappe dhe Endrick këtë verë, por mediat sugjerojnë se klubi mbetet në kërkim për më shumë transferime.

Një qendërmbrojtës i ri kishte qenë në rendin e ditës.

Megjithatë, Ancelotti përjashtoi mundësinë e nënshkrimit të një mbrojtësi të ri, duke deklaruar se klubi do të mbështetet në lojtarët që janë tashmë në dispozicion të tyre si Jesus Vallejo dhe talentet e akademisë si Joan Martinez dhe Raul Asencio.

“Skuadra është e mbyllur. Vallejo është kthyer, Alaba po rikuperohet. Ne kemi të rinjtë: Joan [Martinez], Jacobo [Ramon] dhe Raul [Asencio]”, tha Ancelotti, cituar nga AS.

/GazetaBlic Sport/