Aeroplanët polakë u aktivizuan herët në mëngjes për të garantuar sigurinë e hapësirës ajrore të Polonisë.

Kjo pasi Rusia nisi sulmet ajrore që synonin Ukrainën perëndimore, njoftoi Komanda Operative e Forcave të Armatosura Polake, përcjell Telegrafi.

“Hapat e ndërmarra kanë për qëllim ruajtjen e sigurisë në rajonet që kufizohen me zonat e rrezikut”, tha Komanda e Platformës X.

Raportohet se e gjithë Ukraina ishte nën një paralajmërim për sulm ajror.

Ndryshe, Rusia ka nisur një sulm masiv me raketa në Ukrainë herët në mëngjes.

Një alarm ajror u dha në të gjithë vendin dhe shpërthime të fuqishme u dëgjuan në Kiev.

Kryetari i bashkisë së Kievit, Vitalij Klitschko, raportoi për të lënduar dhe zjarre të shumta.