Prokuroria Speciale e Republikës së Kosovës ka ngritur aktakuzë ndaj tre personave për ushtrim të ndikimit.
Këtë e ka bërë të ditur vetë Prokuroria Themelore përmes një komunikate dërguar mediave, përcjell GazetaBlic.
Më poshtë edhe njoftimi i plotë.
Prishtinë, 13 prill 2021 – Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë – Departamenti Special, kundër të pandehurve me inicialet B.G., R.H. dhe D.H., pasi që në bashkëkryerje kanë kryer veprën penale “Ushtrimi i ndikimit”.
I pandehurit B.G, në bashkëkryerje me të pandehurin R.H, me qëllim të përfitimit material për vete, në zyrën e të pandehurit D.H, në mënyrë të drejtpërdrejt kanë kërkuar të holla. Me këto veprime të pandehurit B.G dhe R. H, në bashkëkryerje kanë kryer veprën penale “Ushtrimi i ndikimit” nga neni 431 paragrafi 1 lidhur me 31 të KPRK-së.
Ndërkaq, i pandehuri D.H., ka dhënë të holla që të ushtronin ndikim të padrejtë të pandehurit B.G., R.H. kështu që me këto veprime i pandehuri D.H., ka kryer veprën penale “Ushtrimi i ndikimit” nga neni 431 paragrafi 2 të KPRK-së.
Me respekt,
Ekrem LUTFIU
LEXO EDHE
Berisha ankohet në Kushtetuese, synon rikthimin e mandatit të deputetit
/GazetaBlic/
