Një person është lënduar si pasojë e një aksidenti të ndodhur sot në mëngjes në Prishtinë, raporton Gazeta Blic.

Lajmin e ka konfirmuar për Gazeta Blic, Flora Ahmeti, zëdhënëse e Policisë për rajonin e Prishtinës, e cila ka thënë se në aksident janë përfshirë një kamion dhe tri vetura.

“Sot rreth orës 09:30 në rrugën Bill Klinton në Prishtinë ka ndodhur një aksident trafiku, ku janë përfshirë një kamion dhe tri vetura. Si pasojë e aksidentit tretman mjekësor ka marrë një person. Me rastin po merren njësiti i trafikut”, ka thënë Ahmeti për Gazeta Blic.