Në orët e mbrëmjes së sotme ka ndodhur një vrasje e dyfishtë në Pejë. Të vrarë kanë mbetur kandidati për kryetar të Pejës nga radhët e PDK-së, Astrit Ademaj, dhe ish-kandidati për kryetar të Deçanit nga PDK, Blerand Kadrijaj.
I plagosur ka mbetur vëllai i Astrit Ademajt, Avni Ademaj, i cili tashmë është arrestuar.
Ndërkohë, aktorja e njohur Arbnora Ademaj, përmes një postimi në rrjete sociale ka njoftuar që Astriti ishte familjari i saj.
Ajo ndau një imazh të të ndjerit dhe shkroi: “Ah bre Astrit qe na kpute shpirtin, nuk po muj me besu, herët bre na le. U prefsh ne paqe”.
Ndryshe, nuk dihet ende arsyeja që ka shtyrë deri në vrasje.
