Konkursi për drejtorë të disa shkollave në Mitrovicë solli mospajtime mes kryetarit të komunës Agim Bahtiri dhe Drejtorit të Arsimit, Ismet Ferizi.

Ky i fundit thotë se shefi i tij nuk u pajtua me emrat e përzgjedhur për këto pozita nga komisioni. I pakënaqur me procesin këtij ia përmendi edhe shkarkimin.

Ferizi i tha Klan Kosovës përmes telefonit se i është kërkuar që të hënën të dalë në punë, por se është duke e shqyrtuar një gjë të tillë.

Bahtiri i kontaktuar nga televizioni për këtë çështje e mbylli telefonin kur e mori vesh pyetjen dhe nuk u lajmërua më.

Një ndërhyrje të tillë të mundshme në kësi procesi shoqëria civile në këtë qytet e sheh me shqetësim.

Ndërkohë, opozita pretendon se kjo po ndodh me një qëllim pak muaj para zgjedhjeve lokale.

 

https://gazetablic.com/haradinaj-500-euro-për-çdo-familje-me-rastin-e-lindjes-së-një-fëmije-është-pak-por-mjaftueshëm-për-fillim/