Agim Bahtiri megjithatë do të garoj për kryetar të Mitrovicës nga ana e Lëvizjes Vetëvendosje.

Edhe pse është lakuar edhe emri i deputetit Armend Muja dhe ministrit të Bujqësisë, Faton Peci si kandidat të mundshëm, garës së 17 tetorit nga VV për Mitrovicën pritet t’i hyjë Bahtiri.

Gazeta Blic merr vesh brenda pak orësh do të formalizohet kandidatura e tij.

“Sot nga ora 15:00 pritet të mblidhet Këshilli i Degës, i cili ka 100 anëtarë, dhe nga i cili pritet fillimisht kandidatët për asamble, e pastaj edhe kandidaturën e Bahtirit”, thonë burimet e Gazeta Blic.

Sipas këtij burimi, në momentin që e merr miratimin nga shumica e anëtarëve të Këshillit të Degës së VV-së në Mitrovicë, është edhe kandidat zyrtar.

Merret vesh se në procedurë të njëjtë kanë kaluar edhe kandidatët për Prishtinën, Arben Vitia dhe ai për Gjilanin, Alban Hyseni.

Ndryshe, Bahtiri e ka marrë edhe mbështetjen e Kryesisë Qendrore për të garuar për kryetar të Mitrovicës.

Këtë e ka konfirmuar në mbledhjen e së enjtes edhe sekretari i Qendrës së VV-së në Mitrovicë, Kushtrim Zeneli me rastin e hapjes së mbledhjes informuese të Këshillit të Qendrës.

Bahtiri po garon për të tretën herê për kryetar të Mitrovicës.