Aeroporti rus “Pulkovo” në Shën Petersburg ndaloi përkohësisht aterrimet dhe nisjet e fluturimeve nga ora 7:45 e mëngjesit të shtunën për të garantuar sigurinë e avionëve civilë, tha mbikëqyrësi rus i aviacionit “Rosaviatsia”.

Ai nuk specifikoi një arsye për vendimin për të ndaluar fluturimet, por aeroportet ruse janë mbyllur më parë kur ekziston rreziku i sulmeve me dronq ukrainas në zonë.

Alexander Drozdenko, guvernatori i rajonit verior të Leningradit që përmban Shën Petersburg, tha se forcat ruse kishin rrëzuar dy drone pranë Gjirit Luga.

“Aeroporti nuk pranon ose nis përkohësisht fluturime,” shkroi një përfaqësues i Rosaviatsia në aplikacionin e mesazheve Telegram.

“Ekuipazhet e avionëve, kontrollorët e trafikut ajror dhe shërbimet e aeroportit po marrin të gjitha masat e nevojshme për të garantuar sigurinë e fluturimeve – ky është prioriteti kryesor”, tha ky përfaqësues, shkruan Reuters.