Tetëmbëdhjetë ndeshje të sezonit, dy gola (të dy në Champions League) dhe dy asistime.

Karim-David Adeyemi sigurisht që ka parë momente më të mira dhe aktualisht është jashtë fushës me një dëmtim të marrë në fillim të dhjetorit. Performanca e sulmuesit të Borussia Dortmund është diskutuar shumë javët e fundit dhe dikush në Gjermani beson se pas paraqitjeve të këqija qëndron lidhja me reperen e njohur, Loredana, përcjell GazetaBlic Sport.

Çifti u sulmua në rrjetet sociale dhe situata e mërzit shumë ish-lojtarin e Salzburgut: “E dija se në çfarë po futesha, se ajo ishte dikush që ishte gjithmonë aty për ta parë të gjithë. Por më duket çmenduri që njerëzit reagojnë në këtë mënyrë”, ka thënë ai në një intervistë të publikuar nga klubi verdhezi.

“Nuk është e padrejtë me mua, por me të dashurën time. Ajo nuk ka të bëjë fare me performancën time në fushë. Ndonjëherë njerëzit shqetësohen të gjykojnë pa e ditur, është absurde.”

Adeyemi dhe këngëtarja u shfaqën së bashku publikisht në rrjetet sociale për herë të parë në korrik 2023.

/GazetaBlic Sport/