Sporti

Abedin Zeka, Ismet Munishi dhe Arsim Kabashi përfundojnë në Komisionin Disiplinor të FFK-së

04/08/2021 12:33
nga:Mergim Rreci

Komisioni i Garave Disiplinor ka qenë i ashpër me disa nga akterët e lartë të skuadrave të Superligës.

Trajneri i Gjilanit, Ismet Munishi, akuzohet se në emisonin sportiv të ATV-së ka thyer Kodin e etikës sportive me deklarimet e tij, shkruan GazetaBlic.

Për akuza të njëjta në këtë komision është futur edhe Presidenti i Trepçës ’89, Abedin Zeka.

Në anën tjetër, Presidenti i Ballkanit, Arsim Kabashi pas ndeshjes Ballkani – Prishtina, në ambientet zyrtare të stadiumit i ofendon dhe i kërcënon gjyqtarët e ndeshjes.

 

Më poshtë i gjeni të gjitha inicimet disiplinore:

Inicime disiplinore:

Ndaj kryetrajnerit të SC Gjilani, Ismet Munishi me numër të ID 009766M74, pasi në emisionin sportiv të ATV-së me 04.04.2021 deklaron se në ndeshjen FC Prishtina – SC Gjilani java e 26-të, FC Prishtina në favor të vetin kishte gjyqtarët si (lojtarin e 12-të) dhe ndikuan në rezultatin përfundimtar të ndeshjes si dhe prejudikon sipas teorive të tij se kush do të bëhet kampion duke thyer Kodin e etikës sportive.

ndaj kryetarit të KF Trepça’89, Abedin Zeka, për shkak se në emisionin sportiv të TV Dukagjini (Dueli Sportiv) me 04.04.2021 akuzon rëndë organet e FFK-së pa fakte, që është në kundërshtim me Kodin e etikës sportive.

ndaj kryetarit KF Ballkani, Arsim Kabashi me numër ID 009626M85. Pas përfundimit të ndeshjes ndërmjet KF Ballkani – FC Prishtina, e zhvilluar me datë: 04.04.2021, në ambientet zyrtare të stadiumit i ofendon dhe i kërcënon gjyqtarët e ndeshjes.

ndaj zyrtarit të KF “Trepca’89”, Arsim Islami me numër ID 009898M75 në minutën e 77-të ndëshkohet me karton të kuq sepse me tone të larta ofendon gjyqtarët e ndeshjes KF Drenica – KF Trepca’89, ku edhe pas përfundimit të ndeshjes kishte vazhduar me sharje ndaj gjyqtarëve.

ndaj lojtarit të KF Drenasi, me numër 22 Flamur Shala, me numër të ID 011361M92, në minutën e 82-të (godet me dorë lojtarin kundërshtar) ndëshkohet me karton të kuq në ndeshjen e javës së 21-të, KF Vushtrria – KF Drenasi.