Kryetari i LDK-së, Lumir Abdixhiku, ka reaguar pas vendimit të marrë nga drejtoresha e Arsimit në Prishtinë, Jehona Lushaku-Sadriu për ndalimin e doracakëve ‘Edukimi Seksual dhe Shëndeti Riprodhues’.
Kryetari i LDK-së ka deklaruar se e mbështet një vendim të tillë dhe se hapa të ngjashëm duhet të merren në të gjitha komunat e Kosovës.
“Të gjitha komunat e Kosovës të marrin hapa të ngjashëm dhe të ndalojnë përdorimin e këtyre materialeve në shkollat e tyre, dhe kështu të mbrojnë fëmijët tanë nga eksperimentet e pushtetit” shkruan Abdixhiku raporton “Gazeta Blic”.
Ai tutje ka potencuar se ‘Me LDK-në, pas 9 shkurtit, do ta kthejmë dinjitetin e mësimdhënësve dhe vet institucionit arsimor’
Reagimi i plotë:
Mbështes, vendimin e Jehonës dhe të Kryeqytetit në ndalimin e përdorimit të Doracakëve ‘Edukatë Seksuale dhe Shëndeti riprodhues’ 1-5, 6-9 dhe 10-12 në shkollat e Prishtinës.
Të gjitha komunat e Kosovës të marrin hapa të ngjashëm dhe të ndalojnë përdorimin e këtyre materialeve në shkollat e tyre, dhe kështu të mbrojnë fëmijët tanë nga eksperimentet e pushtetit!
Me LDK-në, pas 9 shkurtit, do ta kthejmë dinjitetin e mësimdhënësve dhe vet institucionit arsimor. Shkollat do të jenë një vend ku fëmijët tanë do të jenë të sigurtë, të dijshëm e të zhvilluar!
