Lumir Abdixhiku, kandidat i LDK-së për kryeministër, e ka quajtur madhështor tubimin në Rahovec, raporton Gazeta Blic.
“Entuziazëm, frymë, ringritje! Taksirati t’i rrisin britmat sonte”, ka shkruar ai.
“Në Rahovecin e vreshtave të bekuara dhe zemrave të mëdha, sërish ndjemë frymën e bashkimit dhe shpresës të një populli të tërë që po ngritet fuqishëm për të dëshmuar se ndryshimi është tashmë në rrugën e tij! Në këtë qytet të ndershmërisë dhe punës, valët e mbështetjes për LDK-në po i bashkohen lumit të pandalshëm që ka përfshirë çdo kënd të Kosovës, me tubimet tona të jashtëzakonshme ku qytetarët po bashkohen me vizionin tonë për Kosovën”, ka shkruar Abdixhiku ndër të tjera.
Postimi i tij i plotë:
Rahovec çka ke ba’ kështu?
Madhështore! Entuziazëm, frymë, ringritje!
Taksirati t’i rrisin britmat sonte!
Në Rahovecin e vreshtave të bekuara dhe zemrave të mëdha, sërish ndjemë frymën e bashkimit dhe shpresës të një populli të tërë që po ngritet fuqishëm për të dëshmuar se ndryshimi është tashmë në rrugën e tij! Në këtë qytet të ndershmërisë dhe punës, valët e mbështetjes për LDK-në po i bashkohen lumit të pandalshëm që ka përfshirë çdo kënd të Kosovës, me tubimet tona të jashtëzakonshme ku qytetarët po bashkohen me vizionin tonë për Kosovën.
Në çdo hap sot, jemi të lidhur fort me historinë tonë, por para së gjithash, jemi të mbështetur tek e ardhmja, të udhëhequr nga forca jonë e përbashkët dhe puna e palodhur që kemi përpara.
Prandaj entuziazmi dhe përkushtimi që ndjemë sot në Rahovec ishin edhe një tjetër dëshmi se LDK po shndërrohet në një forcë të pandalshme. Nga qytetet më të mëdha deri te fshatrat më të vogla, qytetarët e vendit po i përgjegjen këngës sonë për ndryshim dhe thirrjes sonë për kryengritje të djathë kombëtare.
Sonte, Rahoveci e tha qartë atë që po e brohorit tërë Kosova: ndryshimi po vjen, dhe fitorja e 9 shkurtit është e pashmangshme!
Falemnderit Rahovec!
Faleminderit Burim, Avdullah e Enis për organizimin!
