Kandidati i LDK-së për kryeministër, Lumir Abdixhiku, ka folur përsëri për planin e partisë për Sport, Kulturë dhe Turizëm, duke theksuar rëndësinë e zhvillimit të infrastrukturës në këto fusha, raporton GazetaBlic.
Ai ka përmendur ndërtimin e Qendrës Kombëtare të Sportit në Bërnicë, ku do të ndodhet një stadium i ri me kapacitet 25,000 deri 30,000 ulëse, i cili do të plotësojë standardet më të larta të UEFA-s dhe do të mbështesë zhvillimin e futbollit në nivel ndërkombëtar.
Abdixhiku theksoi gjithashtu se ky projekt është një pjesë e planit të gjerë të LDK-së për të përmirësuar infrastrukturën sportive dhe kulturore në Kosovë.
