Gazeta katalanase El Nacional raporton se ish-trajneri i Barcelonës, Xavi është në bisedime të avancuara me Milanin për të zëvendësuar Paulo Fonseca.
Ish-mesfushori dhe trajneri i Barcelonës, Xavi thuhet se është në bisedime të avancuara me Milanin për t’u bërë trajner i tyre ‘në të ardhmen e afërt’, transmeton GazetaBlic Sport.
Ish-reprezentuesi spanjoll u largua nga Barcelona verën e kaluar dhe aktualisht është pa klub.
Sipas raportit, drejtuesit kuqezi synojnë të ndryshojnë filozofinë e ekipit dhe kanë identifikuar Xavi si një zëvendësues ideal për Fonseca.
Megjithatë, burime italiane si TMW dhe Milannews këmbëngulin se thashethemet janë ‘të pakonfirmuara’ dhe theksojnë se është e paqartë nëse Milani po kërkon një zëvendësues të menjëhershëm për Fonseca ose një trajner të ri për 2024-25.
Me siguri, drejtuesit e klubit presin rezultate më të mira në muajt e ardhshëm pasi Milani është në vendin e 8-të në tabelën e Serie A me një ndeshje më pak dhe tashmë është 14 pikë poshtë liderit Atalanta.
Fonseca u emërua nga Milani për të zëvendësuar Stefano Piolin verën e kaluar, duke nënshkruar një kontratë dyvjeçare me një opsion për një sezon të mëtejshëm.
/GazetaBlic Sport/
