Ish-deputeti i Lëvizjes Vetëvendosje, Fatmir Humolli, ka deklaruar se presidentja Vjosa Osmani nuk mori pjesë në protestën “Drejtësi, jo politikë” për qëllime politike.

Sipas Humollit, protesta ishte thirrje e qytetarëve për reagim kundër gjykatës që ai e cilëson të kontrolluar nga Perëndimi, duke theksuar se presidenten e ka parë në cilësinë e një qytetareje.

Ai shtoi se protesta lindi si nevojë, pasi, sipas tij, institucionet e Republikës së Shqipërisë dhe të Kosovës nuk e kanë kryer detyrën kushtetuese për t’i mbrojtur vlerat kombëtare.

“Protesta ka qenë thirrje e qytetarëve për reagim kundër gjykatës së kontrolluar nga Perëndimi. Presidenten e kam parë si qytetare. Protesta ka lindur si nevojë, sepse institucionet e Republikës së Shqipërisë dhe të Kosovës nuk e kanë kryer detyrën kushtetuese për t’i mbrojtur vlerat kombëtare”, tha Humolli për GazetaBlic.