Sulmuesi i Galatasaarayt, Victor Osimhen, kujtoi periudhën e tij te Napoli, duke e quajtur atë një makth dhe duke e sulmuar klubin për keqtrajtimin e tij, veçanërisht pas videos kontroverse në TikTok që ata postuan në vitin 2023 për të tallur lojtarin.

“Më vjen keq për tifozët, veçanërisht sepse nuk kam folur kurrë për atë që ndodhi. Disa prej tyre erdhën në shtëpinë time duke kërkuar shpjegime. Ne biseduam dhe u kërkova atyre të vinin veten në vendin tim. Pasi Napoli postoi atë video në TikTok, diçka padyshim u prish”, tha lojtari.

“Kushdo mund të humbasë një penallti, kushdo mund të tallet për këtë. Napoli e bëri vetëm me mua, dhe me disa aludime gjithashtu. Isha viktimë e fyerjeve raciste, dhe mora vendimin tim: Doja të largohesha. Fshiva fotot e mia me fanellën e Napolit nga Instagrami im, dhe ata shfrytëzuan rastin për t’i kthyer tifozët kundër meje. Dhe të mendosh, vajza ime, për mua, është më shumë napolitane sesa nigeriane…

“Ne kishim një marrëveshje zotërinjsh që unë mund të largohesha verën e ardhshme, por pala tjetër nuk e mbajti plotësisht premtimin e tyre. Ata u përpoqën të më dërgonin të luaja kudo, duke më trajtuar si qen. Shko këtu, shko atje, bëj këtë, bëj atë… Kam punuar aq shumë për të avancuar karrierën time, sa nuk mund ta pranoja atë lloj trajtimi. Unë nuk jam kukull.

“Askush nuk kërkoi falje publikisht për atë që ndodhi. Pas asaj videoje të famshme, De Laurentiis më telefonoi disa herë. Ndalo. Ndërkohë, kishte thashetheme se isha vonuar në fushë, se po debatoja me shokët e ekipit… Janë të gjitha gënjeshtra. Më vjen keq për tifozët, por i kuptoj dhe i admiroj: ata gjithmonë e mbështesin klubin. Për ta, Napoli është i pari.”

/GazetaBlic Sport