Como u kualifikua për në gjysmëfinalen e Kupës së Italisë pasi barazoi 1-1 me Napolin në stadiumin “Diego Armando Maradona”, por fitoi 7-6 në penallti.

Kundërshtari i tyre në ndeshjen gjysmëfinale do të jetë Interi, transmeton GazetaBlic Sport.

Como pati rastet më të mira në pjesën e parë dhe me meritë kaloi në epërsi në minutën e 39-të. Mysafirëve iu dha një penallti, të cilën Martin Baturina e shndërroi në gol në këndin e poshtëm të djathtë.

Pjesa e dytë nisi në mënyrë perfekte për Napolin. Vetëm pak sekonda pas fillimit, Rasmus Hojlund gjeti Antonio Vergarën, i cili shënoi në këndin e poshtëm të djathtë për të bërë rezultatin 1:1. Nuk pati gola deri në fund dhe gjithçka shkoi në penallti.

/GazetaBlic Sport/