Drejtori sportiv i Atletico Madridit, Mateu Alemany, ka udhëtuar për në Mynih për të zhvilluar bisedime me Bayern Munich mbi transferimin e mesfushorit Leon Goretzka, raportuan mediat spanjolle.

Atletico është në kërkim të një mesfushori pasi shiti Conor Gallagher te Tottenham në janar. Kjo është arsyeja pse ata e kanë kthyer vëmendjen te Goretzka, kontrata e të cilit me Bayernin skadon në qershor, transmeton GazetaBlic Sport.

Mediat pretendojnë se klubi gjerman po kërkon 20 milionë euro kompensim për Goretzkën, të cilin Atletico e konsideron një çmim shumë të lartë duke pasur parasysh se kontrata e tij skadon pas pesë muajsh.

Goretzka mbërriti te Bayern në vitin 2018 nga Schalke dhe luajti 292 ndeshje për klubin bavarez, duke shënuar 47 gola dhe 48 asiste. Këtë sezon, ai është një lojtar standard i ekipit të parë në Bundesligë, por në Ligën e Kampionëve ai nuk ishte kurrë në formacionin titullar dhe luajti 61 minuta të ndeshjes. Ai shënoi 15 gola në 67 paraqitje për ekipin kombëtar gjerman.

/GazetaBlic Sport/