Ish-trajneri i Monacos dhe për një kohë të shkurtër i ekipit kombëtar spanjoll, Robert Moreno, është gjendur në qendër të një skandali të pazakontë.

Ai është akuzuar se është mbështetur në inteligjencën artificiale për të marrë vendime të rëndësishme sportive dhe teknike gjatë kohës që ishte pjesë e klubit rus Sochi. Moreno i ka mohuar me forcë akuzat, duke i quajtur ato “gënjeshtra të plota”.

Akuzat erdhën nga ish-drejtori i përgjithshëm i Sochit, Andrei Orlov.

Orlov pretendon se specialisti spanjoll përdorte rregullisht ChatGPT për aspekte kyçe të punës së tij. A

Në përgjigje të sulmeve, Robert Moreno dha një deklaratë për gazetën spanjolle “AS” në të cilën mohoi plotësisht atë që u tha. Argumenti i tij i parë është se Andrei Orlov u largua nga klubi para tij dhe për këtë arsye ai nuk është i njohur me faktet.

“Burimi i këtij informacioni është një ish-drejtor me të cilin kam pasur mosmarrëveshje profesionale që çuan në largimin e tij. Nuk ka asnjë deklaratë zyrtare nga Sochi që e konfirmon këtë version”, tha Moreno, duke theksuar: “Këto janë gënjeshtra”.

Spanjolli pranon se përdor inteligjencën artificiale, por vetëm për përkthime nga spanjishtja në rusisht, pasi nuk e flet rrjedhshëm gjuhën. Ai këmbëngul se kjo nuk ka lidhje në asnjë mënyrë me vendimet sportive.

/GazetaBlic Sport