Jean-Philippe Mateta i ka thënë Crystal Palace se dëshiron të largohet nga klubi këtë muaj, pretendon Sky Sports.

Aston Villa është e interesuar për francezin në janar. Skuadra e Unai Emery po kërkon të nënshkruajë një sulmues të ri, dhe Mateta është mes disa emrave që klubi po shqyrton.

Juventusi po monitoron gjithashtu situatën me Matetën. Palace nuk po përpiqet aktivisht ta shesë 28-vjeçarin, i cili ka edhe 18 muaj të mbetur në kontratën e tij.

Një ofertë e konsiderueshme do të ishte e nevojshme për të tunduar ekipin londinez që ta shiste lojtarin dhe, në rrethanat aktuale, largimi i tij nuk duket i mundshëm.

Dëshira e Matetës për t’u larguar vjen pasi kapiteni i Palace, Marc Guehi iu bashkua Manchester Cityt dhe trajneri Oliver Glasner konfirmoi se ai do të largohet në fund të sezonit.

/GazetaBlic Sport/