NATO duhet të koordinohet dhe të bashkohet për çështjen e Groenlandës, dhe jo të përçahet, tha ministri italian i Mbrojtjes, Guido Crosetto, në lidhje me kërcënimet e Presidentit të SHBA-së, Donald Trump, për të pushtuar Groenlandën, raportoi Ansa.

Franca, Gjermania, Norvegjia dhe Suedia kanë dërguar trupa në territorin e Arktikut për të penguar kërcënimet e presidentit amerikan dhe ka pasur propozime që Italia t’u bashkohet atyre, tha agjencia.

“Çfarë po bëjnë njëqind, dyqind apo treqind ushtarë të çdo kombësie? Kjo tingëllon si fillimi i një shakaje”, tha Crosetto.

Ai shtoi se dërgimi i trupave në mbarë botën nuk duhet të jetë një garë dhe se qasja e Italisë ndaj kësaj çështjeje është racionale.

“Ne i kërkuam NATO-s koordinim. Ne duhet të bashkojmë, jo të përçajmë”, përfundoi Crosetto.