Trajneri i Chelseat, Liam Rosenior, ndau përshtypjet e tij pas humbjes 2:3 ndaj Arsenalit në ndeshjen e parë gjysmëfinale të Kupës Carabao.

“Jam shumë i kënaqur me angazhimin dhe përkushtimin e lojtarëve. Ata dhanë gjithçka nga vetja. Ndeshja ishte e hapur. Jam i zhgënjyer me golin që pësuam pas goditjes nga këndi. Jam gjithashtu i zhgënjyer me golin e tretë sepse u rikthyem në lojë dhe dominuam në atë moment”, tha trajneri i ri i “Bluve”.

“Duket se u fikëm pas fillimit të pjesës së dytë, por nuk mund t’i fajësoj lojtarët. Disa lojtarë kishin ftohje dhe disa u lënduan gjatë javës, por skuadra tregoi se ishte gati të vraponte dhe të luftonte për njëri-tjetrin. Robert Sanchez është një portier shumë i mirë. Ai bëri një pritje të jashtëzakonshme në 3:1, duke na shpëtuar jetën. Kemi ende punë për të bërë, por në përgjithësi jam i kënaqur me qëndrimin e skuadrës”, shtoi Rosenior.

/GazetaBlic Sport