Banorët në Amsterdam u evakuuan nga shtëpitë e tyre pasi një zjarr i madh përfshiu kishën historike Vondelkerk, të vjetër gati 150 vjet, të enjten në mëngjes.

Media lokale raporton se dyshohet se struktura, e cila daton që nga viti 1880 dhe është një atraksion i njohur turistik, ka të ngjarë të jetë goditur nga fishekzjarrët, shkruan BBC.

Pamjet tregojnë flakët që përhapen me shpejtësi nëpër ndërtesë dhe zjarrfikësit që punojnë për të shuar flakët.

Kisha është projektuar nga një nga arkitektët më të njohur të Holandës, Pierre Cuypers, i cili ishte gjithashtu përgjegjës për Rijksmuseum dhe Stacionin Qendror në Amsterdam.

Kohët e fundit, kisha është përdorur si vend për koncerte dhe ngjarje të tjera.